თბილისის სახელმწიფო უნივერსიტეტის სტუდენტური კონკურსი „მისია“ 2019 წელს მეშვიდედ ჩატარდა.
მასში მონაწილეობის მიღება სამივე საგანმანათლებლო საფეხურის სტუდენტებმა შეძლეს. კონკურსში 3-5 სტუდენტისგან შემდგარი გუნდები იღებდნენ მონაწილეობას.

კონკურსი ორ ეტაპად განხორციელდა:

I ტურში მონაწილეებმა უნივერსიტეტის მიერ შეთავაზებულ დავალებაზე იმუშავეს, მათ ევალებოდათ „თბილისის სახელმწიფო უნივერსიტეტის სასკოლო ოლიმპიადის ბრენდის“ შექმნა.

II ტურში გადასულ 5 ფინალისტ გუნდს კი პარტნიორმა კომპანია „ბაზისბანკმა“ დავალებად ბანკის განათლების მხარდამჭერი კამპანიის შექმნა წარუდგინა.

კონკურსის განმავლობაში ფინალისტი გუნდები სპეციალურად მათთვის მომზადებულ ტრენინგებს დაესწრნენ.

ტრენინგებს უძღვებოდნენ:

სალომე ზურაბიშვილი – არასამთავრობო ორგანიზაცია „სიდას“ აღმასრულებელი დირექტორი

სოსო გალუმაშვილი – საკონსულტაციო სააგენტო „ჯეპრას“ მმართველი პარტნიორი და უფროსი კონსულტანტი

საბა ჯაჯანიძე – საკონსულტაციო სააგენტო „ჯეპრას“ პროექტების მენეჯერი, ილიაუნის ასისტენტ-პროფესორი

მარიამ სეხნიაშვილი – თსუ-ს პროექტების მენეჯერი

ფინალისტი გუნდებიდან სამი საუკეთესო კომპეტენტური ჟიურის მიერ შეირჩა.

ჟიურის შემადგენლობაში იყვნენ:

„ბაზისბანკი“-ს საზოგადოებასთან ურთიერთობის განყოფილების უფროსი თამარ ხადური

არასამთავრობო ორგანიზაცია „სიდა“-ს პროგრამული დირექტორი სალომე ზურაბიშვილი

საკონსულტაციო სააგენტო „ჯეპრა“-ს მმართველი პარტნიორი და უფროსი კონსულტანტი სოსო გალუმაშვილი

საკომუნიკაციო ჯგუფ „ანაგრამა“-ს დამფუძნებელი თაკო როდონაია

„ბაკურ სულაკაურის გამომცემლობის“ მარკეტინგის მენეჯერი მწერალი დათო გორგილაძე

გამარჯვებულები:

I ადგილი – გუნდი 100% – 2500 ლარი

II ადგილი – გუნდი „კანუდოსი“ – 1500 ლარი

III ადგილი – გუნდი „Creative Thinkers” – 1000 ლარი